Ўзбекистон футзал миллий терма жамоаси 2024 йил Таиланд мамлакати мезбонлик қиладиган Осиё кубогига йўлланмани муддатидан аввал қўлга киритди.
Саралаш босқичида 32 жамоа ҳар бири 4 та жамоадан иборат 8 гуруҳга бўлинган ва ўз гуруҳида 1 ва 2-ўринни қўлга киритган терма жамоалар қитъа биринчилигига йўлланма олади. Шу тариқа 2-турдан сўнг «G» гуруҳида 6 очкодан жамғарган Ўзбекистон ва Ироқ терма жамоалари муддатидан аввал Осиё кубоги иштирокчисига айланди.
Ўзбекистон ва Ироқ ўртасидаги сўнгги тур ўйини гуруҳ ғолибини аниқлаб беради.