Ўзбекистонликлар уяли алоқа операторини рақамни сақлаб қолиш шарти билан алмаштиришда янги муаммо ҳақида билдиришган. Бу фақат банк карталари эгаларига тегишлидир.  

Мобил қуллик бекор қилингандан ва операторни алмаштириш хизмати ишга туширилгандан сўнг, кўплаб абонентлар илгариги уяли алоқа хизматларини етказиб берувчиларни алмаштирдилар.

Амалда эса маълум бўлишича, банк карталарини SMS -хабар бериш хизматига қайта улаш керак экан ва буни операторларнинг ўзлари ёки тўлов тизимлари эмас, балки ижтимоий тармоқ фойдаланувчилари маълум қилишган.

Ўзбекистонликларнинг сўзларига кўра, оператор ўзгарганидан сўнг кўплаб карталарга уланган мазкур хизмат ўчиб қолган.

“"Рақамни кўчириш" хизмати шартларига кўра, контент-провайдерларнинг бошқа уланган хизматлари, шунингдек банк карталарини SMS орқали хабар бериш хизматидан фойдаланиб бўлмайди. Рақамни кўчиргандан сўнг, ушбу хизматлар қайта уланиши керак", - деди Ucell вакили.

SMS -хабар бериш хизматини банкоматда қайта улаш мумкин: эски уланишни бекор қилиш ва қайтадан уланиш керак.

Илгарироқ, операторни ўзгартирганда аввал паспорт маълумотларига аниқлик   киритиш кераклиги ҳақида хабар берган эдик. Агар рақамингиз эски паспорт бўйича рўйхатдан ўтган бўлса, операторлар рақамни кўчиришни рад этишади, чунки у сизнинг маълумотларингизни маълумотлар базасига юклай олмайди ва уларга рақамни бириктириб билмайди. Шунинг учун, аввал эски операторингизнинг бош офисига ташриф буюриб, у ерда паспорт маълумотларини янгилашингиз, сўнгра рақамни ўтказиш учун янги операторга мурожаат қилиш лозим.