Ҳукумат нотўғри жойларда ахлат ташлаганлик учун жарималарни оширишни, шунингдек, ҳуқуқбузарлик воситасини олиб қўйишни ва ҳуқуқбузарларни жойни тозалашга мажбур қилишни режалаштирмоқда. Шубҳасизки, бу ҳудудлар ва дарёларнинг оммавий ифлосланишида айбдор бўлган корхоналарга тегишлидир.
Мазкур чора-тадбирлар президент фармонида кўрсатилган. Жорий йилнинг апрел ойигача ваколатли идоралар Бош прокуратура билан биргаликда атроф-муҳитни ифлослантирувчилар учун жарималарни қанча ошириш кераклиги ҳақида ўйлашлари керак. Шунингдек, ҳукумат белгиланмаган жойларда ахлат ташлаш учун санкциялар рўйхатини кенгайтиришни режалаштирмоқда.
Хусусан, ҳуқуқбузар бу жойни ахлатдан тозалаши керак бўлади. Бундан ташқари, уларнинг қонунбузарлик учун ишлатилган воситаси олиб қўйилиши мумкин. Бу корхоналар ўз чиқиндиларини ноқонуний равишда бўш ҳудудларига олиб чиқадиган ёки дарёларга тўкиб ташлайдиган техникасидан айрилишинини англатадими? Тез орада билиб оламиз.
Атроф-муҳитнинг ифлосланишига сабаб бўлган ўз вазифаларини бажармаганлик учун жазо ҳудудларнинг тозалиги учун масъул бўлган фуқаролар ва корхоналарга ҳам қўлланилади.
Эслатиб ўтамизки, худди шу фармон билан тадбиркорлар ва аҳолига экологик қоидабузарликларни қайд этишга рухсат берилди. Бу ҳақда хабар бериш учун уларга жарима миқдорининг 20 фоизи тўланади.
