Ўзбекистон Республикаси Давлат хавфсизлик хизмати, Ўзбекистон Республикаси Ёшлар ишлари агентлиги ҳамда Ўзбекистон Республикаси спорт вазирлиги соғлом турмуш тарзини тарғиб қилиш, ёшлар ўртасида футболни оммалаштириш, шунингдек, улар орасидан иқтидорларни аниқлаш ва қўллаб-қуватлаш мақсадида футбол ва мини-футбол бўйича анъанавий Давлат хавфсизлик хизмати кубоги старт олганини эълон қилади. 

16 ёшдан – 30 ёшгача бўлган ўғил болалар футбол ва мини-футбол, қизлар эса мини-футбол бўйича ДХХ кубогида иштирок этишлари мумкин.

1 – босқич. Туман/шаҳар саралаш мусобақалари: апрель-май ойларида;

2 – босқич. Қорақалпоғистон Республикаси, Тошкент шаҳри ва вилоятлар бўйича саралаш мусобақалари: июнь-июль ойларида;

3 – босқич. Республика бўйича финал мусобақалари: август ойида бўлиб ўтади.

“Соғлом ёшлар – Янги Ўзбекистон келажаги” шиори остида Давлат хавфсизлик хизмати кубоги 2023 йилда бутун республика бўйлаб 250 мингдан ортиқ ўғил-қизларни бирлаштирган бўлса, бу мавсумда янада каттароқ марралар кўзланмоқда.

Ҳамкор: Ўзбекистон Футбол Ассоциацияси