Европа тикланиш ва тараққиёт банки Ўзбекистонга 238 миллион доллар кредит ажратган. Маблағ "Урганч —Хонқа– Хазорасп – Тошсўқа – Амударё – А380” автомобиль йўлини модернизация қилиш ва Амударё орқали кўприк қуриш учун йўналтирилади. 

Битим учинчи Тошкент халқаро инвестиция форуми давомида имзоланган. Суверен кредит 4Р156 автомобил йўлининг 81 километрини тиклашга, шунингдек, Хоразм вилоятида Амударё дарёси бўйлаб кўприк қуришга ёрдам беради.

Ушбу стратегик муҳим йўл Урганч минтақасининг маъмурий марказини Қозоғистонга борадиган А380 йўли билан боғлайдиган ва Марказий Осиё минтақавий иқтисодий ҳамкорлигининг иккинчи йўлагини ташкил этувчи транспорт тармоғининг бир қисмидир.

Қуриб бўлингандан сўнг, ҳозирги II тоифали бир томонлама йўл I тоифали икки томонлама йўлга айлантирилади.

Банк маблағлари, шунингдек4Р156 йўли бўйлаб ёрдамчи инфратузилмани модернизация қилишга кўмаклашади. Лойиҳа янги йўлнинг ўтказиш қобилиятини сезиларли даражада яхшилайди ва шу билан Хоразм вилоятида савдо ва туризмни рағбатлантиради.

Эслатиб ўтамизки, аввалроқ Ўзбекистонга халқаро ва ички йўллар тармоғини ривожлантириш учун хорижий молия ташкилотлари маблағлари ҳисобидан қарийб 400 миллион доллар ажратилиши ҳақида хабар берилган эди.