АҚШнинг Вашингтон шаҳридаги ўрта мактаб яқинида отишма содир бўлди, оқибатда 17 ёшли ўқувчи ўқ жароҳати билан касалхонага етказилди. Бу ҳақда маҳаллий полиция бўлими Х ижтимоий тармоғида маълум қилган.
“Дастлабки маълумотларга кўра, ўқ мактаб биноси ичидаги ўқувчи қизга тегган”, — дейилади хабарда.
Матбуот анжуманида ҳуқуқ-тартибот идораси расмийси гувоҳлар бир нечта отишма овозларини эшитганини маълум қилди. Хабар берилишича, отишма бир нечта гуруҳ ўртасида рўй берган. Ҳозирда полиция воқеа юзасидан суриштирув ишларини олиб бормоқда.
Аввалроқ АҚШ президенти Жо Байден Шимолий Каролинадаги отишмадан кейин Конгрессни қурол назоратини кучайтириш бўйича қонунчилик ташаббусларини амалга оширишга чақирганди.
