Владимир Путин бешинчи бор Россия президенти лавозимини эгаллади. Анъанага кўра, унинг инаугурациясининг расмий маросими Катта Кремль саройида бўлиб ўтди.

У тантанали маросим бўлиб ўтган залга Aurus Senat автомобилининг янгиланган версиясида етиб келди.

Россия халқига содиқлик қасамёдини қабул қилгач, Конституциявий суд раиси Валерий Зоркин Путиннинг президентлик лавозимини эгаллашини эълон қилди.

Қонунга кўра, у кейинги олти йил давомида мамлакатни бошқаради.

Аввалроқ гарчи Вашингтон ўтган сайловларни «эркин ва адолатли» деб ҳисобламаса ҳам, Америка Қўшма Штатлари Владимир Путин Россия президенти сифатида қолаётганини тан олиши хабар қилинганди.