Ўқув йилининг якунига бағишланган улкан тадбир 25 май куни талабалар, ўқитувчилар, ота-оналар ва барча хоҳловчилар учун пойтахтнинг "Халқлар дўстлиги" майдонида бўлиб ўтади.
Тошкент шаҳар маъмурияти маълумотларига кўра, кеча меҳмонлари Равшан Собиров, Насиба Абдуллаева, Шоҳруҳхон, Улуғбек Раҳматуллаев, Зиёда, "Болалар", "Сетора", "Саҳар", "Афруз" гуруҳларининг мусиқий чиқишларидан баҳраманд бўлишлари мумкин.
Шунингдек, концерт дастуридан рақс, дрон шоулари, DJ-баттл ва ретро чиқишлар ўрин олган.
Тадбир Тошкент шаҳар ҳокимлиги, Олий таълим, фан ва инновациялар вазирлиги, Ёшлар ишлари агентлиги томонидан ташкиллаштирилади.
Бошланиши соат 19:00 да. Кириш бепул.
