АҚШ президенти Джо Байден иккинчи муддатга сайланмаслигини айтган. Демократик партиядан номзод сифатида у амалдаги вице-президент Камала Харрисни қўллаб-қувватлаган.
21 июль куни Х ижтимоий тармоқдаги саҳифасида Байден муддатининг охиригача АҚШ президенти бўлиб қолишини маълум қилган.
"Мен учун президентингиз сифатида хизмат қилиш ҳаётдаги энг катта шараф эди. Қайта сайланиш менинг хоҳишим бўлса — да, партиям ва мамлакат манфаати учун орқага чекинишим ва фақат ҳозирги муддатим охиригача президентлик вазифаларини бажаришга эътибор қаратишим керак деб ўйлайман", - деди унинг америкаликларга йўллаган мактубида.
Илгари кўплаб партия аъзолари Байденни сайловолди пойгасидан чиқишга чақиришган. Бундан ташқари, кўплаб сайловчилар сўровларда 81 ёшли президент яна тўрт йилга сайланиш учун жуда кекса эканлигини айтишган ва июнь ойида республикачи рақиб Дональд Трамп билан бўлган мунозаралар уларнинг хавотирларини яна бир бор тасдиқлаган.
Президентнинг рейтинглари пасайишни бошлаган, сўровлар Трампнинг асосий штатларда устунлигини намоён қилган. Демократлар Трампни бошқа номзод ёрдамида мағлуб этишга уриниш учун Байденни алмаштириш имкониятини муҳокама қила бошлашган. Президентнинг ўзи охиригача пойгада қолишини таъкидлаган эди.
Номзод бўлмаслик қарорини эълон қилиб, Байден демократик партиядан президентликка номзод вице-президент Камала Харрисни таклиф қилган.
"2020 -йилда партия номзоди сифатида менинг биринчи қарорим Камала Харрисни вице-президент сифатида танлаш эди. Ва бу мен қабул қилган энг яхши қарор эди. Бугун мен Камаланинг бу йилги партиямиз номзоди учун номзодини тўлиқ қўллаб — қувватламоқчиман ва маъқулламоқчиман" - , деди Байден.
АҚШнинг 42 президенти Билл Клинтон ва унинг рафиқаси- АҚШнинг собиқ давлат котиби Хиллари Клинтон бу иши учун Байденга миннатдорчилик билдиришган.
"Биз миллионлаб америкаликларга қўшиламиз ва президент Байденга эришган барча ютуқлари учун миннатдорчилик билдирамиз", - деди Клинтон. Улар Камала Харрисни демократик президентликка номзод қилиб кўрсатиш қарорини қўллаб-қувватлашган.
Демократлардан номзод 19-22 август кунлари бўлиб ўтиши керак бўлган партиянинг миллий қурултойида расман кўрсатилади.
The Wall Street Journal нашрининг ёзишича, америкаликлар бир неча соат ичида АҚШ вице-президенти Камала Харриснинг сайловолди кампанияси учун 46,7 миллион доллар йиғишган.
Таъкидланишича, беш соат ичида АҚШ фуқаролари президентликка янги номзодга 27,5 миллион доллардан кўпроқ маблағ ажратган. Бу 2024 йилда бир кунлик энг катта хайрия миқдори ҳисобланади.
CNN телеканалига берган интервьюсида Дональд Трамп Байденнинг сайловдан воз кечишига муносабат билдирган ва уни "мамлакат тарихидаги энг ёмон президент", деб атаган.
Джо Байденнинг пойгадан чиқиши 50 йилдан ортиқ вақт ичида АҚШ президенти биринчи муддатдан кейин қайта сайланиш уринишидан воз кечган биринчи ҳолатдир. Олдинги сафар ҳам худди шундай ҳолат 1968 йилда Линдон Джонсон иккинчи муддатга сайланмасликка қарор қилганида содир бўлган эди.
