Уй-жой коммунал хўжалиги вазири (2017-2021 йиллар) ва Нурафшон шаҳар ҳокими (2021-2023 йиллар) лавозимида ишлаган Музаффар Солиев 7 йилга қамалди.

Суд ҳукмига кўра, у Жиноят кодексининг 167-моддаси (Ўзлаштириш ёки растрата йўли билан талон-торож қилиш) «а» ва «в» бандлари, 209-модда (Мансаб сохтакорлиги) 2-қисмининг «а», «б» бандларида назарда тутилган жиноятларни содир этганликда айбли деб топилган.

Музаффар Солиев 3 йил мансабдор ва моддий жавобгар шахс лавозимида ишлаш ҳуқуқидан маҳрум қилинган ва узил-кесил 7 йил муддатга озодликдан маҳрум қилинган. Жазони умумий тартибли колонияларда ўтаттириш белгиланган.

Эслатиб ўтамиз, бир йил муқаддам Музаффар Солиев ишдан олиниб, жавобгарликка тортилиши мумкинлиги хабар қилинганди.