ЖССТ эксперти Ханс Клюге умумий аҳоли учун инфекция хавфи пастлигича қолаётганини айтган.

Жаҳон соғлиқни сақлаш ташкилотининг Европа йўналиши директори Ханс Клюге сешанба куни Covid -19 ҳолатидан фарқли ўлароқ,   ташкилот янги вирусни қандай назорат қилишни билишини айтган.

Унинг сўзларига кўра, mpox штаммининг тарқалишини тўхтатиш ва ваҳима олдини олиш биргаликда ва ўз вақтида амалга оширилиши мумкин. Хусусан, вакциналарни энг заиф ҳудудларга етказиб бериш керак.

“Эпидемиологик чоралар ва вакцина мавжудлиги шарти асосида mpox вируси штаммини назорат қилиш мумкин”,- деди Ханс Клюге.

"Биз ЖССТнинг Европа минтақасида карантин жорий қилмоқчимизми, биз яна Covid -19га дуч келдикми, деган саволга –аниқ йўқ дейишимиз мумкин", - деди у.

Африканинг таъсирланган ҳудудларига ташриф буюрган саёҳатчилар учун у эмлаш ҳақида ўйлашни тавсия қилмоқда.

ЖССТнинг яна бир вакили Тарик Ясаревичнинг таъкидлашича, mpox ҳолатида ЖССТ оммавий эмлашни тавсия этмайди, аммо хавф остида бўлган одамларнинг катта гуруҳларини эмлашни ўарур. Шунингдек, у ЖССТ ниқоблардан ҳимоя сифатида фойдаланишни тавсия этмаслигини таъкидлаган.