Ўзбекистонда ота-оналар болалар учун гриппга қарши бепул вакцинадан бош тортишмоқда. Уларнинг аксарияти интернетда қўрқинчли хабарларни ўқиб, вакцина ёмон,   унда соғлик учун хавфли бўлган “полиоксидоний” моддаси бор, деб ўйлашади. 

Бошқа бир томондан, Соғлиқни сақлаш вазирлигининг маълумотларига кўра, ЎРЯ ва гриппга чалинган болалар сони ошмоқда. Ҳукумат томонидан Россиянинг “Гриппол плюс” препаратидан 2 миллион доза олиб келиниб, барча мактабгача таълим ташкилотлари тарбияланувчилари ва биринчи синф ўқувчиларини эмлаш учун мўлжалланган.

Бу борада ўзи нима нима бўлаяпти ва препаратдан қўрқиш керакми, деган саволларга мухбиримиз жавоб топишга ҳаракат қилди.

Мамлакатдаги вазият

Ноябрь ойида Ўзбекистонда барча мактабгача таълим муассасалари тарбияланувчилари ва биринчи синф ўқувчилари учун гриппга қарши бепул эмлаш бошланди. Бу қарорнинг сабаби шундаки, Санитария-эпидемиологик осойишталик ва аҳоли саломатлигини сақлаш хизмати маълумотларига кўра, мактабгача таълим ташкилотлари ва бошланғич мактаб ўқувчилари ўртасида грипп ва ўткир респиратор инфекцияларига учраш ҳолатлари кўпаймоқда.

Мутахассислар нима дейди?

Санитария-эпидемиологик осойишталик ва аҳоли саломатлигини сақлаш хизмати вакцина ва иммунопрофилактика бўлими бошлиғи Дилором Турсунованинг мухбиримизга айтиб беришича, бутун дунёда, шу жумладан, мамлакатимизда ҳам эмлашнинг икки тури мавжуд – мажбурий ва эпидемиологик кўрсатмаларга кўра.

Унинг сўзларига кўра, ҳозирги кунда гриппга қарши эмлаш эпидемик кўрсатмаларга мувофиқ амалга оширилмоқда, чунки грипп Тошкентда, баъзан эса коронавирус билан бир вақтнинг ўзида айланмоқда. Шифокорлар болалар ўртасида касалликнинг ўртача ҳамда оғир шаклларини аниқламоқда.

Экспертнинг таъкидлашича, мазкур вакцинани олиш шарт

"Эмлаш пайтида болалар соғлиғининг ҳолати албатта ҳисобга олинади. Вакцина хавфсиз ва самарали", - дея таъкидлади Турсунова.

Унинг айтишича, бу эмлашнинг ихтиёрий. Болаларини эмлаш зарур деб ҳисобламаётган эмламаса ҳам бўлади. Унинг сўзларига кўра, вакцинани ишлаб чиқаришда неомицин каби антибиотик ишлатилади, шунинг учун аллергик касаллилари бўлган болалар эмланмайди.

Бу препаратнинг ўзи нима?

"Гриппол плюс" деярли ҳеч қандай ён таъсир ва қарши кўрсатмаларга эга эмас, у жорий мавсумда Жаҳон соғлиқни сақлаш ташкилоти томонидан тавсия этилган вирус штаммларини ўз ичига олади.

Грипп ва респиратор касалликларнинг олдини олиш учун Ўзбекистонга 2 миллион доза вакцина олиб келинган, республика бўйлаб 2753 та эмлаш пунктлари ташкил этилган. Соғлиқни сақлаш вазирлигининг маълумотларига кўра, инфекцияга қарши иммунитет препаратни қўллашдан тахминан 14 кун ўтгач ҳосил бўлади ва мавсум давомида грипп асоратларидан ҳимоя қилади.

Полиоксидоний нима?

Полиоксидоний-бу адьювант. Вакцинада полиоксидонийнинг мавжудлиги тезда барқарор иммунитет олишга, вирусли антитаначалар миқдорини уч бараварга камайтиришга ва эмлаш хавфсизлигини оширишга имкон беради.

Эмлаш пайтида адьювантлардан фойдаланиш иммунитетга эга бўлиш ва эмлашнинг ҳимоя таъсири давомийлигини оширишга ёрдам беради. Бундан ташқари, гриппга қарши адьювантли вакциналардан фойдаланиш уяли хужайрали иммунитет ва хотира ҳужайраларини фаоллаштириш орқали бошқа респиратор вирусларидан ҳимоя қилади.