Танаси устидан назоратини йўқотган эркак Neuralink чипини мияга ўрнатиш туфайли видео ўйинлар ўйнашга муваффақ бўлган.
Компания сайтида чип ўрнатилган бемор фикр кучи билан Counter-Strike 2 видео ўйинини ўйнаётгани акс этган видео жойлаштирилган. У персонажларни бошқаришга, нишонга олишга ва ҳатто жамоаси учун бир нечта очко тўплашга муваффақ бўлган. Бу чип ўрнатилган иккинчи одам ҳисобланади.
Хабар қилинишича, илгари Алекс исмли бемор орқа мия жароҳати олган ва фалаж бўлиб қолган. Видео ўйиндан ташқари, у фикр кучи билан махсус иловада 3D моделларни лойиҳалашни бошлаган.
Эслатиб ўтамизки, 2023 йилнинг баҳорида Илон Маскнинг Neuralink компаниясига имплант синовларини одамларда ўтказишга рухсат берилган. Компания чип хотирани йўқотиш, Альцгеймер касаллиги, кўрлик ва фалаждан азият чекадиган одамларда имкониятларни чеклаш билан боғлиқ муаммоларни самарали ҳал қилишга ёрдам беришини кутмоқда.
