Олий таълим, фан ва инновациялар вазирлиги Тошкентдаги барча талабалар ётоқхоналарининг ёпилиши ҳақидаги кенг тарқалган маълумотларни инкор қилган.
Бу ҳақда янгиликлар бугун ижтимоий тармоқларда пайдо бўлди. Унда айтилишича, ётоқхоналар совет тизимининг қолдиғи бўлиб, келгуси йилнинг бошидан бошлаб, тегишли фармонга биноан, бошқа вилоятлардан борган талабаларга қаердан турар жойни ижарага олишни мустақил равишда ҳал қилиш имконияти бериларкан.
Маълумотни ишончлилиги учун муаллифлар таниқли онлайн нашрнинг сохта интерфейси скриншотидан фойдаланганлар. Сайтнинг ўзида бундай янгиликлар йўқ.
Вазирликнинг мухбиримизга маълум қилишича, маълумот сохта, чунки бундай нарса режалаштирилмаган.
Эслатиб ўтамизки, 2 август куни бўлиб ўтган брифингда Олий таълим, фан ва инновациялар вазирлиги ахборот хизмати раҳбари Назокат Абдуқундузова талабаларни уй-жой билан таъминлаш ҳақида сўзлаб берди. Ҳар бир талаба талабалар турар жойидан жой олиш учун my.gov.uz портали орқали мурожаат қилиши мумкин. Топшириш муддати 1 августдан ўқув йилининг охиригача давом этади.
