Фавқулодда вазиятлар вазирлиги матбуот хизмати раҳбарининг ўринбосари Самандар Ҳикматуллаев Сурхондарёнинг Бойсун туманидаги "Мустақилликнинг 25 йиллиги" газ конидаги вазиятни изоҳлаган. 1 сентябрдан бошлаб технологик жараённинг бузилиши туфайли унинг қудуқларидан бирида водород сульфидининг сизиши давом этмоқда, енгил заҳарланиш ҳолатлари мавжуд, аммо оммавий заҳарланиш ҳолатлари мавжуд эмас.

Ҳикматуллаевнинг сўзларига кўра, сизиш содир бўлган қудуқни ёпиш ишлари яқин кунларда амалга оширилади.

Бугунги матбуот анжуманида у ушбу иш бўйича республика комиссияси ва махсус штаб ташкил этилганини таъкидланди. Газнинг табиатга салбий таъсирини камайтириш учун қўшимча қудуқ қазилган, кераксиз газлар аҳоли пунктларига тарқалмаслиги учун газ ёқиб юборилган. "Бу амалиёт бутун дунёда мавжуд",- деди мутахассис.

Шунингдек, Ҳикматуллаевнинг айтишича, илгари эвакуация қилинган аҳоли аллақачон уйларига қайтмоқда.

"Бугунги кунга келиб, улар орасида оммавий заҳарланиш ҳолатлари йўқ, аммо газ билан енгил заҳарланиш ҳолатлари мавжуд. Одамлар шифокорларга мурожаат қилишмоқда, керакли ёрдам кўрсатилиб, уларга жавоб берилмоқда",- деди у.