Қозоғистонда қашшоқлик даражаси кескин ошгани маълум қилинди. 

Миллий статистика бюроси маълумотларига кўра, 1 027 516 нафар фуқаронинг даромади камбағаллик даражасидан паст.

Қашшоқлик даражаси охирги чоракда 4,6% дан 5,1% гача кўтарилди. Эслатиб ўтамиз, 42 мингдан ортиқ (0,2 фоиз) аҳолининг даромади озиқ-овқат саватчаси нархига ҳам етмайди.

Қашшоқликнинг энг юқори даражаси Туркистон вилоятида қайд этилган - даромади минтақавий яшаш минимумидан паст бўлган аҳоли улуши 8,8% ни ташкил қилган.

Кейинги ўринларда Жетису ва Абай вилоятлари - мос равишда 7,8% ва 7,7%. Шунингдек, Мангистау вилоятида ҳам юқори кўрсаткич кузатилмоқда – 7,3%.