Россиялик мутахассислар ўзбекистонлик меҳмонлар учун "Мир" тўлов тизимига асосланган виртуал ҳисоб-китоб орқали Россия ҳудудида тўлашга имкон берадиган сайёҳлик карталарини яратишган.

Картани яратиш устида Россия Иқтисодий ривожланиш вазирлиги ва Молия вазирлиги мутахассислари ишламоқда. Бу ҳақда Давлат Думасининг Туризм ва сайёҳлик инфратузилмасини ривожлантириш қўмитаси раиси Сангаджи Тарбаев ВДНХдаги республика павильонида Ўзбекистоннинг туризм салоҳияти тақдимотида сўзлаган нутқида айтиб ўтган.

Тарбаевнинг таъкидлашича, Россиява Ўзбекистоннинг туризмдаги ҳамкорлигининг муҳим жиҳатларидан бири тўлов имконияти саналади. Ҳозирда Россия ҳудудида мавжуд бўлган "Мир" электрон тизими Ўзбекистонда "халқаро далиллар туфайли" ишламайди.

"Биз сайёҳларимиз бемалол, тўсиқларсиз ва нақд пулсиз тўловларни амалга оширишлари учун ушбу йўналишда ишлаймиз", - деди қўмита раҳбари.

Эслатиб ўтамизки, Россия жорий йилнинг биринчи ярмида ўзбекистонликлар томонидан энг кўп ташриф буюрган мамлакатлар қаторига кирган.