Бугун КХДР ҳарбийлари ўз томонидан мамлакатни Корея ярим оролининг жануби билан боғлайдиган йўл қисмларини портлатишган. Жанубий Корея ҳарбийлари огоҳлантирувчи ўт очган.

Жанубий Корея қуролли кучлари штаб бошлиқларининг Қўшма қўмитаси КХДРнинг чегара операциясини тайёрлаши тўғрисида 14 октябрда хабар берган. Бундан олдин, Шимолий Корея Жанубий Корея билан автомобиль ва темир йўлларнинг ёпилишини ва чегарани "қалъага" айлантириш режаларини эълон қилган.

Бундан ҳам олдинроқ, 13 октабрь куни Шимолий Корея етакчиси Ким Чен Иннинг синглиси Ким Ё Чен Жанубий Корея дрони мамлакатга яна бир бор учиб келса, Сеулга "даҳшатли фожиали оқибатлар" билан таҳдид қилган эди. Жанубий Корея ҳукумати дрон учирилганини рад этган ва ўз навбатида, Шимолий Кореяни "режимнинг қулаши" билан қўрқитган.