Сирдарёда уч кишини ўлдирган ҳуқуқни муҳофаза қилиш идорасининг собиқ ходимига ҳукм чиқарилган. У умрбод жазони ўтайди. Бу ҳақда мухбиримизга Олий суд матбуот-хизмати хабар берган.

Даҳшатли воқеа шу йилнинг апрель ойида содир бўлган. Эркак ўзи билан илгари яшаган аёлнинг уйига борган. Улар ўртасида зиддият чиққан, чунки аёл унинг отаси ва қизини ҳақорат қилган. Жиноятчи жабрланувчининг бўйнига ва юзига тирноқ учун аррача билан бир неча марта зарба берган, натижада аёл вафот этган.

Шовқинни эшитиб, марҳуманинг вояга етмаган ўғли хонага кирганда, эркак уни ва боланинг бувисини бўғиб ўлдирган. Кетишдан олдин у марҳуманинг телефонини олган, шунингдек, жиноят изларини яшириш учун уйдаги нарсаларни ёқиб юборган.

Эркак топилган ва ҳибсга олинган. Судда у ўз айбини қисман тан олган, қилмишидан пушаймонлигини билдирган ва суддан енгилроқ жазо тайинлашни сўраган.

Суд 35 ёшли гумонланувчини Жиноят Кодексининг 97-моддаси 2-қисми ("Қайта содир этилган ёки хавфли рецидивист томонидан айбдор учун ночор ҳолатда бўлган одамни қасддан ўлдириш"), 168-моддаси 3-қисми ("Хизмат мавқеидан фойдаланган ҳолда содир этилган фирибгарлик"), 169-моддаси 1-қисми ("Ўғирлик") ва 173-моддаси 2-қисми (Умумий хавфли усул билан содир этилган мол-мулкни қасддан йўқ қилиш ёки шикастлаш)да назарда тутилган жиноятларни содир этганликда айбдор деб топган

Унга махсус режимли колонияда умрбод қамоқ жазоси тайинланган.