Жорий йилнинг 1 ноябридан бошлаб Ўзбекистонга расмий дилерлар томонидан олиб келинган автомобиллар Пскент туманидаги полигонда уч ойлик текширувдан ўтказилади. Ушбу талаб чет элдан ўз эҳтиёжлари учун машиналарни олиб келганларга тегишли бўлмайди.
Бу тўғрисида Renessans-TV телеканалига берган интервьюсида Техник тартибга солиш агентлиги директори ўринбосари Одилжон Тохиров маълум қилган. Илгари техник синовлар божхона ҳудудида ўтказилган.
Синовлар фақат ISO халқаро ташкилоти (Халқаро стандартлаштириш ташкилоти) стандартлари ва Европа кўрсатмалари асосида ўтказилади. Бунинг учун Ўзбекистонда БМТнинг транспорт соҳасидаги қоидалари жорий этилмоқда.
"Агар ҳар бир транспорт воситаси ваколатли дилерлар томонидан текширилса ёки унинг тури тўғрисида хулоса чиқарилса, хавфсизлик таъминланади ва истеъмолчилар ҳуқуқлари ҳимоя қилинади", - деди Тохиров.
Таъкидланишича, энди тадбиркорлар автомобилларни синовдан ўтказиш учун бир нечта ташкилотларга мурожаат қилишмайди ва ортиқча бюрократиядан халос бўлишлари мумкин.
Янги полигон учун синов ускуналари Европа мамлакатларидан олиб келинган, ҳозирги вақтда худди шу қурилмалар дунёнинг етакчи давлатларида қўлланилади.
Эслатиб ўтамизки, 2024 йилнинг саккиз ойида Ўзбекистонга қарийб 13 мингта электромобиль импорт қилинган.
