Археологлар Ўзбекистонда Ипак йўли бўйлаб VI дан XI асргача гуллаб-яшнаган ва йўқолган иккита тоғли шаҳарни топишган.
Денгиз сатҳидан 2000-2200 метр баландликда жойлашган ушбу Тугунбулоқ ва Тошбулоқ шаҳарлари ўз ҳудудларида асосий савдо ва ишлаб чиқариш марказлари бўлган.
Уларни аниқлаш масофадан сканерлашнинг лидар лазер технологиясидан фойдаланиш орқали мумкин бўлган. Лидар-бу лазерлар ёрдамида юқори даражадаги тафсилотлар билан топографик ўлчовларни амалга оширишга имкон берадиган усул ҳисобланади.
Икки шаҳарнинг энг каттаси бўлган Тугунбулоқ тахминан 120 гектар майдонни эгаллаган ва тадқиқотчиларнинг фикрига кўра, муҳим металлургия маркази бўлган. Унда учоқлар топилгани пўлат ишлаб чиқарилганини кўрсатмоқда. Шаҳар ўз кўлами ва иқтисодий таъсири бўйича Самарқанд билан рақобатлашиши мумкин бўлган.
Кичикроқ Тошбулоқ шаҳри минтақадаги энг қадимги мусулмон қабрларни ўз ичига олган қабристони билан ажралиб туради.
