Биньямин Нетаньяху ишончни йўқотганлиги сабабли мамлакат ҳарбий идораси раҳбари Йоав Галантни истеъфога юборган. Минглаб одамлар Исроил Бош вазирининг қарорига норозилик билдириш учун кўчаларга чиқишган.

The Times of Israel нашри берган маълумотга кўра, Йоав Галантнинг истеъфога чиқиши у Исроил ҳукумати сиёсатига зид қарорлар қабул қилганлиги билан боғлиқ. Бош вазир Биньямин Нетаньяху буни кеча эълон қилган ва сўнгги ойларда Галант   ўртасида ишонч йўқолганини таъкидлаган.

Мудофаа вазири истеъфога чиққанидан сўнг, 6 ноябрь чоршанба куни кечаси Қуддус ва Тель-Авивда минглаб одамлар Нетаньяхунинг ҳаракатларига норозилик билдириб, гаровга олинган ва Ғазо секторида Хамас террористик ташкилотида сақланаётган исроилликларни ватанига қайтаришни талаб қилиб кўчага чиқишган.

Тель-Авивда намойишчиларга қарши полиция ёқимсиз ҳидли сув   сепишдан фойдаланган.

Исроил президенти Ицхак Герцог Ғазо секторидаги уруш авжида норозилик намойишлари пайтида мамлакатда тўнтариш хавфи ҳақида огоҳлантирган.

Йоав Галант 2022 йил декабридан бери Исроил мудофаа вазири бўлиб ишлаган. Унинг ўрнини мамлакат ташқи ишлар вазирлигини бошқарган Исраэль Кац эгаллаши эълон қилинган.

2023 йилда Нетаньяху ҳукумат томонидан илгари сурилган суд ислоҳотларини қаттиқ танқид қилгани учун Галантни ишдан бўшатган эди. Шундан сўнг Исроилда оммавий норозилик намойишлари бошланган ва икки ҳафта ўтгач Галант ишга қайта тикланган.