Ижтимоий тармоқ фаоли Ойбек Алижонов фейсбукдаги саҳифасида вилоятдаги зиёратгоҳлардан бирига тортилган электр устунларининг синиб кетганлиги ва сифатсиз устунлар ўрнатилганлиги ҳолати акс этган фотосуратларни жойлаштирди. Постга қуйидагида изоҳ берилган.
- "Ток пок урворадиям дейишмайдия... Бу мурожаатчидан келган расм, видеолар... Зиёратгоҳга тортилган электр тармоғи... Ҳеч замонда, ҳеч жойда 10метрли столба шунақа тагига тупроқ уйилиб ҳам кўмиладими, эээ....Столбани сифатини қара Карл?! Батафсил ўрганиб, ким қурган, ким пулини тўлаб давлат маблағини талон тарож қилган, пост қиламан.... Бир бошга бир ўлим, бу қурувчию, Туризм ва маданий меъросдаги буюртмачилар тегишли хулоса чиқаришишни хохлашмаяпти чамамда..
Кузатувчилар ҳам пост остида ўзларининг шарҳларини қолдиришган. Жумладан Hayat Guesthouse никли фойдаланувчи:
-"Ака форишдаям бор шунака чала ишлар менимча уша курувчи кургандир"
дея фикр билдирган.
Мазкур ҳолат Фориш тумани, Қоратош қишлоғида жойлашган "Хўжа Боғбон ота" зиёратгоҳига тегишли бўлиб, электр тармоғи жорий йил январида тортилган. 18 ноябрь кунги кучли шамол натижасида мазкур йўналишдаги электр симёғочларнинг 3 донаси қулаб, синиб кетган. Бетон устунларни ўрнатиш ишлари Фориш туман электр тармоқлари корхонаси томонидан амалга оширилган.
