Бугун, 28 ноябрь ҳолатига кўра, Ўзбекистон аҳолиси 37 506 617 кишини ташкил этмоқда. Бу ҳақда Ўзбекистон Республикаси Президенти ҳузуридаги Статистика агентлиги маълумот берди. Аҳоли таркибида эркаклар сони 18 843 325 нафар, аёллар эса 18 580 779 нафардир.
Мутахассислар тахмин қилишича, 2030 йилга келиб, Ўзбекистон аҳолиси 40 миллион кишига етиши кутилмоқда, бу Марказий Осиё минтақасидаги аҳоли сонининг ярмини ташкил этади. Сўнгги 30 йил давомида Ўзбекистон аҳолиси 15 миллион кишига кўпайгани, барқарор демографик динамикани кўрсатади.
Шу билан бирга, Ўзбекистонда ўртача умр кўриш давомийлиги 74,3 йилни ташкил этмоқда. Бу кўрсаткич мамлакатдаги соғлиқни сақлаш тизимининг ривожланишини ва аҳоли фаровонлигини акс эттиради.
Эслатиб ўтамиз, Қирғизистон миллий статистика қўмитаси томонидан эълон қилинган маълумотларга кўра, 2024 йил 1 октябрь ҳолатида Қирғизистон аҳолиси 7 миллион 254 минг кишини ташкил этган. Ушбу маълумотлар минтақадаги демографик ўзгаришларни ва аҳоли сонининг ўсишини кузатиш учун муҳим аҳамиятга эга.
