Жиззах вилояти ҳокимлигида “AVIAGEN GROUP” генетик компанияси вакиллари билан учрашув бўлиб ўтди. Томонлар Ўзбекистонда гўшт йўналишидаги паррандаларнинг I тартибли наслчилик корхонасини ташкил этиш масалаларини муҳокама қилди.
40 миллион доллар инвестиция
- “AVIAGEN GROUP” компанияси лойиҳа учун 40 миллион доллар инвестиция киритишни режалаштирмоқда.
- Зомин туманида 100 гектар ер майдони ажратилган.
- Лойиҳанинг амалга оширилиши 2024 йил июнь, октябрь ва 2025 йил январь ойларига мўлжалланган.
Лойиҳанинг аҳамияти
- Жиззахда паррандачилик соҳаси ривожланади
- Озиқ-овқат хавфсизлиги таъминланади
- Янги иш ўринлари яратилади
Вилоят ҳокими вазифасини бажарувчи Улуғбек Мустафоев мазкур лойиҳа ҳудуд иқтисодиёти учун муҳим эканлигини қайд этиб, вилоят ҳокимлиги ҳамкорликка тайёр эканини билдирди. AVIAGEN GROUP компанияси эса лойиҳа бўйича тақдимот ўтказишини маълум қилди.
