Ўзбекистонда болаларни ноқонуний диний таълимга жалб қилган ота-оналарга нисбатан жавобгарлик кучайтирилди. Адлия вазирлигининг маълумотига кўра, бу "Бола ҳуқуқларининг кафолатлари тўғрисида"ги қонунга киритилган ўзгартиришларда ўз аксини топган.

Янги тартибга кўра, болани рўйхатдан ўтмаган ёки лицензияга эга бўлмаган ташкилотларга диний таълим олиш учун жойлаштирган ота-оналарга БҲМнинг 5-10 баравари (1,87 млн – 3,75 млн сўм) миқдорида жарима солинади. Агар ҳуқуқбузарлик бир йил ичида такрорланса, жарима миқдори 10-15 бараварга (3,75 млн – 5,6 млн сўм) оширилади ёки 15 суткагача маъмурий қамоқ жазоси қўлланилади.

Қонунда ота-оналар фарзандларини шахсий эътиқодига мос равишда тарбиялаш ҳуқуқига эга эканлиги таъкидланган, бироқ бу жараён қонунчилик нормаларига мувофиқ бўлиши шарт.