АҚШ Халқаро ривожланиш агентлиги (USAID) томонидан молиялаштирилаётган хорижий ёрдам ва грантлар бўйича шартномаларнинг 90 фоиздан ортиғи бекор қилинди. Бу ҳақда АҚШ президенти маъмурияти маълум қилди.

Оқ уй баёнотида қайд этилишича, бу қарор "ўнлаб йиллар давомида институтционал таназзул келтириб чиқарган катта йўқотишларни бартараф этиш" мақсадида қабул қилинган.

 Масъул шахслар баёнотлари:
? АҚШ Давлат департаменти раҳбари Марко Рубио хорижий ёрдам ва грантлар бўйича шартномаларни қайта кўриб чиқиш якунланганини ва яқин кунларда 10 мингга яқин тўловлар тўхтатилишини маълум қилди.
? USAIDнинг 5,8 мингта, АҚШ Давлат департаменти орқали тақсимланган 4,1 мингта мукофот бекор қилинмоқда.
? Фақатгина USAIDнинг 500 га яқин, АҚШ Давлат департаментининг 2,7 мингга яқин мукофотлари сақлаб қолинади.

Қарор натижасида USAIDнинг кўплаб ходимлари ишдан бўшатилган ёки мажбурий таътилга чиқарилган.

Финанслаш тўхтатилиши
Молиялаштиришнинг музлатилиши сабабли АҚШ томонидан хорижда қўллаб-қувватланган минглаб дастурлар тўхтатилди. Шунингдек, бу жараёнда Илон Маск бошчилигидаги Ҳукумат самарадорлиги департаменти (DOGE) USAID ходимларининг қисқаришига сабаб бўлди.

Таъсир Ўзбекистонга
Айни пайтда, Ўзбекистон нодавлат нотижорат ташкилотларини қўллаб-қувватлаш жамғармаси хорижий донорлар томонидан молиялаштирилаётган лойиҳалар учун молиявий ёрдам тақдим этишга тайёрлигини маълум қилди.