Mашҳур техноблогер Wylsacom (Валентин Петухов) яқинда тақдим этилган Trump Mobile T1 смартфони ҳақида ўз фикрини билдириб, уни жиддий қурилма сифатида кўрмаслигини таъкидлади. Унинг сўзларига кўра, бу смартфон ҳатто АҚШнинг ўзида ҳам омма орасида талабга эга бўлмайди, бошқа мамлакатларда эса унга мутлақо эҳтиёж йўқ.
“Бу телефоннинг ягона қизиқ жойи — унда 'Трамп' деб ёзилганидир. Ҳеч қандай технологик янгилик ёки инновация йўқ. Одатий $500 долларлик қурилма. Россияда ҳам, бошқа давлатларда ҳам буни фақат ҳазил-ҳузур учун олиб киришлари мумкин”, — деди блогер «Газета.Ru»га берган интервьюсида.
Wylsacom’нинг фикрича, Trump Organization бу смартфон орқали фақат ўз брендига содиқ бўлган одамлар ҳисобига пул топишга ҳаракат қилмоқда. У бундай "брендли телефонлар" олдин ҳам чиққанини, лекин оммавий бўлмаганини эслатди. Масалан, RED камераларини ишлаб чиқарувчи компания смартфон чиқарган, лекин у кенг оммага етиб бормаган.
Смартфоннинг техник хусусиятлари
Оператив хотира: 12 ГБ
Ички хотира: 256 ГБ
Батарея: 5000 мА/соат
Камералар: Орқа панелда учта камера
Дизайн: Олтин рангда, орқа томонида АҚШ байроғи
Телефон нархи — $499, етказиб бериш сентябрда бошланиши кутилмоқда.
Trump Mobile тармоғи: имконият борми?
Блогернинг айтишича, Trump Mobile мобил тармоғи эса, агар рақобатбардош тарифлар таклиф қилса, бозорда маълум ўринни эгаллаши мумкин. Хозирча улар томонидан тақдим этилаётган ягона тариф — "47", унга 47,45 долларга 5G тармоқда 20 ГБ интернет, чексиз қўнғироқлар ва СМСлар киради.
“Бу нафақат смартфон, балки бутун брендни пулга айлантириш уринишидир. Бу биринчи ҳам, охирги марта ҳам эмас”, — дея хулоса қилди Wylsacom.
