Россия Федерацияси чет эл фуқаролари учун янги ruID мобил иловаси орқали визасиз киришдан олдин онлайн ариза топшириш имкониятини яратди. Ушбу хизмат Россия Рақамли ривожланиш вазирлиги томонидан ишлаб чиқилган ва барча асосий платформаларда юклаб олиш мумкин.

Ўзбекистон фуқаролари ҳам ушбу тизимдан фойдаланиши мумкин.

Ариза топшириш учун муҳим шартлар:

• Илова орқали ариза сафарга чиқишдан 72 соат олдин топширилиши керак

• Аризани юбориш учун керак бўлади:

  • селфи (расм)

  • паспортнинг фотосурат нусхаси

  • овозли ёзув (қисқа нутқ)

Қандай тартибда ариза юборилади:

1. ruID иловасини смартфонга юклаб олинг

2. Рўйхатдан ўтинг ва шахсий маълумотларни киритинг

3. Ҳужжатларни юкланг (селфи, паспорт, овозли ёзув)

4. Маълумотлар чегара хизматлари томонидан автоматик текширилади

5. Барчаси тўғри бўлса, рақамли профиль яратилади — у орқали кейинчалик Россияда давлат хизматларидан фойдаланиш мумкин

Аризани шошилинч ҳолатда юбориш

Фавқулодда ҳолатда (масалан, тиббий зарурат) сафардан 4 соат олдин ҳам ариза топшириш мумкин. Бу ҳолда шошилинч саёҳатни тасдиқловчи ҳужжатлар талаб этилади.

Илова қуйидаги платформаларда мавжуд:

• RuStore

• Google Play

• App Store

• AppGallery

Илова кимлар учун:

ruID — визасиз режимда Россияга саёҳат қилувчи фуқаролар, жумладан, Ўзбекистон фуқаролари учун мўлжалланган. Илова 7 та тилда, шу жумладан ўзбек тилида ҳам ишлайди.

Эслатма:

Беларусь фуқаролари, 6 ёшгача бўлган болалар, визали кириш, вақтинча ёки доимий яшаш рухсатномаси билан келаётганлар ушбу тартибдан озод қилинади.