Туғма эшитмайдиган катта ёшлилар илк марта эшитиш қобилиятига эга бўлишди. Ушбу ютуқ тиббиётда ҳақиқий инқилоб сифатида баҳоланмоқда.
Олимлар OTOF генининг ишчи талқинини беморлар мия ҳужайраларига юбориш орқали отоферлин оқсили ишлаб чиқилишини таъминлашди. Бу оқсил товуш импульсларини мияга етказишда ҳал қилувчи аҳамиятга эга.
Синовда қатнашган 10 нафар катта ёшли бемор бир ой ичида эшитишни бошлади. Ярим йил ўтган бўлса-да, эшитиш қобилияти сақланиб қолмоқда.
Эшитиш даражаси 106 децибелдан 52 децибелгача яхшиланди — бу даражада одамлар нутқни эшитиш ва тушуниш имконига эга бўлади.
Синов иштирокчиларидан бири — 24 ёшли бемор — умрида биринчи марта овозларни эшитганини айтди. Илгарилари катталарда туғма карликни бартараф этишнинг иложи йўқ деб ҳисобланарди.
