Юнусобод туманидаги “A.M.L.” МЧЖ раҳбарлари 6,1 миллиард сўм кредит қарзи бўлган ҳолда, корхонани қасддан тўловга қобилиятсиз ҳолатга келтирган.
МЧЖ масъул шахслари фуқароларга тўлови тўлиқ амалга оширилган автомашиналарни номига расмийлаштириб бермасдан, улардан жами 34 882 АҚШ доллари ва 118,5 млн сўмни ноқонуний равишда қўлга киритгани аниқланган. Шу билан бирга, 471,9 млн сўм тушум корхона ҳисоб-рақамига кирим қилинмаган.
Юқоридаги ҳолатлар юзасидан жиноят иши қўзғатилди. Жиноят кодексининг 168-моддаси (фирибгарлик) ва 181-1-моддаси (қасддан тўловга қобилиятсизликка олиб келиш) бўйича тергов ҳаракатлари олиб борилмоқда.
Фактлар:
4 нафар фуқарога Spark (2 та), Cobalt ва Nexia-3 сотилган.
Тўловлар 2019–2023 йиллар оралиғида амалга оширилган.
МЧЖ банкрот қилинишидан аввалги кредит мажбуриятлари: 6,1 млрд сўм.
Ҳисобга тушмаган тушум: 471,9 млн сўм.
Текширув Бош прокуратура ҳузуридаги Департаментнинг Юнусобод тумани бўлими томонидан ўтказилди. Ҳозирда тергов давом этмоқда.
