65 миллион долларлик мерос – итга! Хотини эса бор-йўғи 1 цент билан чекланган. Бу ғаройиб васиятнома АҚШлик миллионер ва кинопродюсер Рожер Доркасга тегишли. У ўз бойлигини Максимилиан лақабли итига қолдирган. Қизиғи шундаки, Доркас итига инсон сифатида расмий ҳужжат ҳам олдирган. Аммо вазият янада қизиқ тус олган: Доркаснинг хотини итга турмушга чиққан ва кучук ўлганидан сўнг барча меросни ўзига ўтказган.
Ғаройиб васиятлар орасида яна шундайлар бор:
Энг махфий васиятнома миллиардер Мишел Ротшилдники. У унда «меросим ҳақидаги маълумотни эълон қилишни қатъиян ман этаман» деб белгилаб кетган. Шунинг учун қолдирилган бойлик ҳалигача номаълум.
Энг катта суммадаги мерос Генри Форд томонидан 500 миллион доллар миқдорида 4157 та таълим ва хайрия муассасаларига васият қилинган.
Тушуниш қийин бўлган васиятнома машҳур физик Нилс Борнинг лаборанти томонидан ёзилган. Унда шунчалик кўп илмий термин ва фразеологизмлар бўлганки, матнни таржима қилиш учун тилшунослар жалб этилган.
Энг узун васиятнома Томас Жефферсонники бўлиб, Америка тарихига оид воқеаларни қамраб олган. Унда мерос фақат қуллар озод қилинганидан сўнг берилиши шарт қилиб қўйилган.
Энг қисқа васиятнома Лондонлик банкирга тегишли: “Мен бутунлай синдим.”
Энг бемаъни васиятнома марселлик этикдўзники бўлиб, 123 сўздан 94 тасини ўқишга тилинг бормайди.
