Тошкентдаги “International Tashkent” беш юлдузли меҳмонхонасини энди Россиянинг Azimut Hotels тarmog‘i бошқаради. Бу ҳақда компания ўзининг расмий сайтида маълум қилди.
Мазкур объект энди Azimut Grand Hotel Tashkent номи остида фаолият юритади. Бу Марказий Осиёда Azimut Hotels бренди остида очилаётган илк premium сегментдаги меҳмонхонадир.
Иншоот 1997 йилда InterContinental бренди остида иш бошлаган ва 2012 йилгача халқаро оператор томонидан бошқарилган. Ундан сўнг фаолияти тўхтаган эди.
2024 йил ноябрида мазкур бинони Smart Fast Stroy компанияси 26 миллион долларга сотиб олган. Энди эса у янги бренд ва халқаро тўр (сеть) тармоқ орқали фаолиятни қайта бошламоқда.
Azimut Hotels – 2004 йилда ташкил этилган халқаро меҳмонхоналар тармоғи бўлиб, бугунги кунда Россия, Германия, Австрия ва Исроилдаги 39 та меҳмонхонани бошқармоқда.
Бу қадам билан Тошкент шаҳридаги меҳмонхона бизнесига халқаро стандартлар ва Россия туризм бозорининг йирик иштирокчилари жалб этилмоқда.
