Англия Премер Лигаси 3-туридан ўрин олган “Брайтон” – “Манчестер Сити” учрашувида ўзбекистонлик ҳимоячи Абдуқодир Ҳусанов асосий таркибда майдонга тушди. “Амекс” стадионида бўлиб ўтган баҳс мезбонлар ғалабаси билан якунланди — 2:1.

Ҳисобни 34-дақиқада Эрлинг Ҳоланд очди. У Омар Мармушнинг узатмасидан кейин рақиб дарвозасини ишғол қилиб, “шаҳарликлар”ни ҳисобда олдинга олиб чиқди.

Бироқ 67-дақиқада ҳакам “Брайтон” фойдасига пеналти тайинлади ва Жеймс Милнер аниқ зарба билан ҳисобни тенглаштирди. Баҳс сўнггига яқин, 89-дақиқада Браян Груда гол урди ва мезбонларга муҳим ғалабани таъминлади.

Ўзбекистон терма жамоаси аъзоси Абдуқодир Ҳусанов тўлиқ ишонч билан асосий таркибдан ўрин олди, 87-дақиқада захирага олинди ва ўйин давомида (63-дақиқа) сариқ карточкага эга бўлди.

Бу натижадан сўнг “Брайтон” 4 очко билан турнир жадвалида 10-ўринга кўтарилди. Амалдаги чемпион “Манчестер Сити” эса 3 очко билан 12-поғонада қолди.

Учрашув тафсилотлари:

• АПЛ, 3-тур

• 31 август, якшанба

• Брайтон — Манчестер Сити 2:1

• Голлар: Ҳоланд (34), Милнер (67, пен), Груда (89)