Пара-енгил атлетикачи Асила Мирзаёрова Паралимпиада мусобақаларида кумуш медални қўлга киритди.
Фото: paralympic.org
27 август куни пара-енгил атлетика дастурининг Т11 классида аёллар ўртасида узунликка сакраш баҳсларида иштирок этган Мирзаёрова 4.91 метр натижа кўрсатган ҳолда 2-ўринни эгаллади ва кумуш медалга сазовор бўлди. 1-ўринни ринни бразилиялик Коста де Оливейра (5 м) эгаллаган бўлса, 3-ўринни украиналик Юлия Павленко (4,86 м) эгаллади.
Фото: МОҚ ахборот хизмати
Шу тариқа Асила Мирзаёрова Ўзбекистон делегациясига иккинчи медални тақдим этди. Аввалроқ, ўзбекистонлик сузувчи Ислам Асланов 100 метр масофага баттерфляй усулида сузиш бўйича бронза медалини қўлга киритган эди.
