Бозорнинг бошланғич баҳоси — 6,27 млрд. сўм экани қайд этилган.
Фориш туманидаги деҳқон бозори кимошди савдосига қўйилди. Лот маълумотлари “E-auksion” порталида эълон қилинган.
Ер участкасининг умумий майдони — 1,67 гектар. Биноларнинг майдони — 2 530 квадрат метр. 2019 йилда қурилган бозор бир қаватли супермаркет, битта 100 ўринли ва битта 50 ўринли савдо растасидан иборат.
Аукционга қўйилган бозорнинг бошланғич баҳоси — 6,27 млрд. сўм. Аризалар 10 июнь 09:00 га қадар қабул қилинади. Савдолар худди шу куни 10:00 да бошланади.
Лот изоҳига кўра, аукцион ғолиби бозор сотилиш нархининг 15 фоиз миқдоридаги аванс тўловини 90 кундан ошмаган муддатда тўлаши керак.
