Ўзбекистон ҳайдовчилик мактаблари уларнинг ишига қараб уч тоифа - "яхши", "ўртача" ва "ёмон"га бўлинади. 

Ҳайдовчилик мактабларининг рейтинги қуйидаги тоифаларга бўлинади:

• 81 дан 100 баллгача - "яшил"

• 51 дан 80 баллгача - "сариқ"

• 50 балл остида - "қизил"

Балларнинг рейтинг кўрсаткичлари республика бўйича ягона шаклда олиб борилади ва йил охирида Қорақалпоғистон, вилоятлар ва Тошкент шаҳри бўйича алоҳида ҳисоблаб чиқилади. Рейтинг натижалари ҳар йили 25 январь куни ОАВ ва ижтимоий тармоқларда эълон қилинади.

Рейтинг баҳоси қуйидаги кўрсаткичлардан иборат бўлади:

• таълим ташкилотлари битирувчиларининг ҳайдовчилик гувоҳномасини олиш учун назарий ва амалий имтиҳон натижалари;

• ҳайдовчилик гувоҳномасини олгандан кейин йил охиригача таълим ташкилотлари битирувчилари томонидан йўл ҳаракати қоидаларига риоя қилмаслик учун жарима баллари;

• таълим ташкилотлари битирувчилари томонидан йил охирида кучга кирган суд қарори асосида содир этилган йўл-транспорт ҳодисалари сони;

• таълим ташкилотларида доимий штатда ишлайдиган олий маълумотли ёки илмий даражага эга бўлган ўқитувчилар сони ҳақида маълумот.