Россиялик телебошловчи Елена Малишева ўзининг "Жить здорово" дастурида машҳур ўзбек таоми - лағмоннинг афзалликлари ҳақида гапириб берган.
Унинг сўзларига кўра, Ўзбекистонга ташриф буюрган ҳар қандай сайёҳ албатта, жуда очиқ ва меҳмондўст одамлар ҳақида айтиб беришиш мумкин. Ўзбекларнинг анъанавий таомларини эса севиб қолмаснинг иложи йўқ.
Ловия, селдерей ва бошқа кўкатларда ичак саратони хавфини камайтирадиган кўплаб қўпол толалар мавжуд. Лағмон таркибидаги аччиқ ва ширин қалампир, шунингдек помидор таркибида антиоксидант бўлган флавоноидлар мавжуд, улар эркин радикалларни зарарсизлантиради. Помидор таркибидаги ликопен ҳам саратон касаллигидан ҳимоя қилади.
Қандай пишириш керак?
Қизиган ўсимлик мойига мол ёки қўй гўшти солинади, қизаргунча қовурилади, томат пастаси қўшилади, сўнгра помидор, селдерей, булғор қалампири, ловия ташланади. Саримсоқ қўшиб, қозон ичидагиларни буғга қўйиш керак, эса кейин зиравор қўшиб, яна бир неча дақиқага буғлатиш лозим. Кейин, шарбат қўшиб, секин оловда яна бир неча дақиқа қайнатиш керак.
Меҳмон бўлинг
"Жить здорово" дастури суратга олинганидан сўнг унинг бошловчисига "Ўзбек ошхонаси санъати" китоби совға қилинган. Шу билан бирга Елена Малишевага Ўзбекистонда мазкур телекўрсатувни видеотасвирга олиш имкониятини кўриб чиқиш таклиф қилинди.
