Собиқ вазирлар ўринбосар лавозимларига тайинланди
Ўзбекистон президентининг қарори билан собиқ вазирлар ва бошқа давлат органлари раҳбарлари Шерзод Хидоятов, Нозим Хусанов, Агриппина Шин, Нарзулло Обламуродов ва Алишер Саъдуллаев, шунингдек, Улуғбек Аъзамов янги ташкил этилган вазирликлар раҳбарларининг ўринбосарлари этиб тайинланди.
Ўзбекистон президенти Шавкат Мирзиёев қайта ташкил этилган вазирлик ва идоралар раҳбарларининг бир қатор ўринбосарларини тайинлаш тўғрисидаги қарорни имзолади, деб хабар берди давлат раҳбари матбуот котиби Шерзод Асадов.
2022 йил май ойидан буён Ахборот ва оммавий коммуникациялар агентлиги директори ўринбосари лавозимида ишлаб келган Улугбек Ахмадович Азамов Ўзбекистон маданият ва туризм вазирининг биринчи ўринбосари лавозимига тайинланди.
Алишер Зафар ўғли Саъдуллаев ёшлар сиёсати ва спорт вазирининг биринчи ўринбосари — Ёшлар ишлари агентлиги директори лавозимига тайинланди. У 2020 йил июль ойидан бошлаб Ёшлар агентлиги директори лавозимида ишлаб келган.
Нозим Бахтиёрович Хусанов камбағалликни қисқартириш ва бандлик вазирининг биринчи ўринбосари бўлди. У 2019 йил сентябрь ойидан бандлик ва меҳнат муносабатлари вазири лавозимида ишлаб келаётганди.
Агриппина Васильевна Шин мактабгача ва мактаб таълими вазирининг биринчи ўринбосари лавозимига муносиб кўрилди. У 2017 йил октябрь ойидан буён Мактабгача таълим вазирлигига раҳбарлик қилиб келаётган эди.
Нарзулло Наимович Обломурадов табиат ресурслари вазирининг ўринбосари лавозимига тайинланди. У 2021 йил декабридан буён Экология ва атроф-муҳитни муҳофаза қилиш давлат қўмитаси раиси лавозимида ишлаб келаётганди.
Аввалроқ вазирлар ва бошқа давлат органлари раҳбарлари тайинлангани ҳақида хабар берилганди. 21 декабрь куни президент вазирлик ва идоралар сонини 61 тадан 28 тага қисқартириш тўғрисидаги қарорни имзолади. 20 та идора бутунлай тугатилди.