Баъзилар ўз ҳаётини қазғоққа қарши шампунсиз тасаввур қила олмайди. Аммо бу кўпроқ аёлларга тегишли, улар сочларини яхши ҳолатда сақлашни хоҳласа, ундан умуман фойдаланмагани маъқул, деб ёзади The Voice Mag.

Аёлларнинг аксарияти сочларини мунтазам равишда бўяб юради ва улар камида бир неча ҳафта давомида чиройли рангни сақлаб қолиш қанчалик қийинлигини билади. Рангнинг ёрқинлигини сақлашнинг асосий усули бир хил: соч толаларини ташқи таъсирлардан имкон қадар ҳимоя қилиш. Соч рангини сақлаб қолиш учун дазмол, фен, плойка каби турмакловчи воситалардан фойдаланиш сонини камайтириш ва шампунни ўзгартириш тавсия этилади.

Шунингдек, ювиш частотасини ҳеч бўлмаганда бироз камайтиришга ҳаракат қилиш керак, натижада бўёқ соч толасидан шунчаки ювилиб кетмайди. Қолаверса, соч рангини сақлаб қолиш учун махсус шампунлардан фойдаланиш керак.

Мутахассислар стандарт маҳсулотларни гўзаллик жавонидан чиқариб ташлашни тавсия қилади. Айниқса, қазғоққа қарши шампунларни. Афсуски, қазғоққа қарши шампунларнинг кўпчилиги сочларнинг рангини кетказишга мойилдир. Бундан ташқари, ушбу турдаги шампунлар сочларнинг қуришига олиб келади.

Шунинг учун бир неча ҳафтада бир марта ишлатиш учун мўлжалланган формулага эга ёки махсус дорихона шампунлари билан профессионал салон маҳсулотларини танлаш тавсия этилади. Яхшиси, энг самарали, тасдиқланган ва хавфсиз парвариш учун мутахассис билан маслаҳатлашиш зарур.