Ўзбекистон фуқаролари Татаристонга ишга таклиф қилинмоқда. Бу ҳақда Ташқи меҳнат миграцияси агентлиги ахборот хизмати хабар берди.

Унга кўра, фуқаролар Татаристондаги “РемСервисТранспорт” корхонасига ишга таклиф этилмоқда. Бўш иш ўринлари:

• ҳайдовчилик;
• автомобилларни таъмирловчи;
• чилангар-таъмирловчи;
• электргаз пайвандчи;
• логистика ишлари оператори.

Маълум қилинишича, иш ҳақи – 75000 рубль (тахминан 750 доллар)дан бошланади. Иш вақти – кунига 8 соат. Авиачипта ва патент (ойлик маошдан қайтариш шарти билан), ётоқхона иш берувчи ҳисобидан қопланади. Фуқаролар танловга биометрик ва хорижга чиқиш паспортлари билан келиши сўралган. Номзодга қўйилган талаблар:

• 18-55 ёшгача бўлиши;
• рус тилини билиши.

Номзодлар 15 август куни Андижон шаҳри, Бобур шоҳкўчаси 4-уй, “Ишга марҳамат” мономаркази биносининг 2-қаватига бориши сўралган.