Миллиардер Илон Маск ўнинчи фарзанди дунёга келганини тасдиқлади. Болага Техно Механикус деб ном қўйишган.

The New York Times нашри маълум қилишича, боланинг онаси канадалик қўшиқчи Граймс.

Чақалоқ 2022 йил июнь ойида туғилган. Аммо Маск у ҳақида энди маълум қилди.  Шунингдек, миллиардер Техно Механикуснинг лақаби Тау экани ҳам қўшимча қилган.

“Бу лақаб, эҳтимол, Пи сонининг икки баробарига тенг иррационал сонни ифодаловчи юнонча ҳарфдан илҳомланган бўлиши мумкин”, — дейди Маскнинг биографи.

Граймс Twitter’да Маскнинг болалар билан чоп этилган суратига изоҳ берди.

“Илонга айтинг, ўғлимни кўришимга рухсат берсин ёки адвокатимга жавоб берсин. Ҳозиргача оиламни бутунлай парчалаб ташлаган вазиятга қарамай, менга бу болаларнинг суратларини кўришга ҳам рухсат беришмаган”, деб ёзди у.