16-декабрдан бошлаб учта ер усти метро бекати янги жадвал асосида ишлайди

Чоп этиш

Учта ер усти метро бекати янги метрополитен бекатларининг тўлиқ ишга туширилиши муносабати билан янги жадвал бўйича ишлайди.  

Мутахассислар янги "Турон" (13-бекат) ва "Қипчоқ" (14-бекат) бекатларини мавжуд бекатлар билан техник жиҳатдан боғлаш бўйича ишларни амалга оширадилар. Шу муносабат билан, ер усти метронинг айрим бекатлари ишлаш режими ўзгаради.

16 декабрдан бошлаб “Технопарк” (Дўстлик-2), Яшнобод (2-бекат) ва Тузель (3-бекат) бекатлари соат 06:00 дан 22:00 гача ишлайди.

“Олмос” бекатидан (4-бекат) “Қурувчилар” бекатигача (12-бекат) иш жадвали соат 05:00 дан 23:00 гача ўзгаришсиз қолади. Шу билан бирга, "Олмос"-"Қурувчилар" бекатлари ўртасидаги участкада 05:00 дан 06:00 гача ва 22:00 дан 23:00 гача поездларнинг бир томонлама ҳаракатланиши ташкил этилади.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив