Ўзбекистон биринчи президентнининг невараси таниқли блогер Марьям Тилляева Настя Ивлеева томонидан уюштирилган "яланғоч" базмга борганидан афсусда эканини билдириб, дини ва эътиқоди нуқтаи назаридан унинг формати эмаслигини айтган. 

Ўзбекистонлик таниқли блогер Марьям Тилляева шов-шувларга сабаб бўлган Настя Ивлееванинг “яланғоч” базмига ташриф буюрганини изоҳлаб берган. Бу кечага Россия шоу-бизнеси юлдузлари ҳам бориб, улар деярли кийимсиз бўлишган.

"Мен   янглишдим. Тўғриси, Настя Ивлееванинг туғилгани куни деб ўйлабман. Менга шундай деб айтишди. Алдашган экан”, - деди қиз.

Маълум бўлишича, Настя Ивлеева ўзининг сурати Playboy журналида чоп этилгани муносабати билан юзлаб яланғоч кишилар иштирокида байрам ташкиллаштирган экан.

"Байрам жуда қизиқ эди, аммо, тўғрисини айтсам, мен илгари бундай тадбирни кўрмаган эканман ва қаттиқ таъсирландим. Албатта, бу менинг услубим эмас. У ерда салгина бўлиб турдик ва  тезда чиқиб кетдик”, - дея таъкидлади Тилляева.

Марьямнинг ўз мухлисларига маълум қилишича, бу базмни ташкил қилганларнинг довюраклиги учун ҳурмат қилади, аммо ўз дини ва эътиқоди сабаб, бошқа турдаги тадбирларга одатланган. Бундан кейин Марьям ўзи таклиф қилинган тадбирларга боришдан аввал пухта текшириб кўришга ваъда қилган.

Эслатиб ўтамизки, октябрь ойида Марьямнинг ўзи Амиран Сардаров билан расман ажрашгани учун Тошкентда катта байрам уюштирган эди.