Хитой 5G-интернетига беш баҳо

Чоп этиш

Хитой ҳукумати ақл бовар қилмас рақамларни эълон қилди: мамлакатда 5G-интернетдан фойдаланаётганлар сони 851 миллион нафарга яқинлашди. Смартфон ишлатаётган хитойликларнинг қарийб ярми!

Бу алоқа стандарти Хитойда ўз номига мос «5G-тезлик»да ривожланмоқда. Бир йил ичида фойдаланувчилар сони 48,8 фоиз кўпайган. Трафик умумий ҳажми эса 16,6 фоиз сакради.

Уч етакчи алоқа оператори янада тезроқ 5G-интернет — 5G-A ни синовдан ўтказишга киришган. China Mobile раҳбари айтишича, айнан 5G-A янги авлод — 6G технологиясига ўтишда кўприк вазифасини бажаради.

Амалдаги 2024 йилнинг ўзидаёқ 5G-A тармоқлари Хитойнинг 300 дан зиёд шаҳрида ишлай бошлайди. 6G қачон ишга тушиши номаълум, тахмин қилишга уриниб кўрамиз, бунинг нималигини биринчи бўлиб хитойликлар «татиб кўради».

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив