Президентнинг ташқи сиёсат масалалари бўйича махсус вакили Абдулазиз Комилов яқинда Остона шаҳрида якунланган VI Марказий Осиё давлатлари раҳбарларининг Маслаҳат учрашувини якунлаб, Марказий Осиё келажаги учун Ўзбекистонга алоҳида масъулият юкланганини таъкидлаган.
"Халқ сўзи" газетасида Абдулазиз Комиловнинг мақоласи чоп этилган бўлиб, унда муаллиф Марказий Осиё давлатлари раҳбарларининг яқинда бўлиб ўтган VI маслаҳат учрашуви натижалари юзасидан фикр ва мулоҳазаларини билдирган.
Биринчидан, сиёсатчининг таъкидлашича, мамлакатларимиз биринчи марта минтақавий кооперацияни ривожлантириш бўйича ягона қараш – "Марказий Осиё – 2040" концепциясини келишиб олишган, бу давлатларнинг минтақавий ҳамкорлик жараёнига қайтарилмас ва изчил характер беришга содиқлигини намоён этади.
А. Комилов бундан бор-йўғи етти йил олдин чегараларимиз деярли бутунлай ёпиқ бўлганини эслаган. Биз чегара ҳудудларидаги можаролар ва мина майдонлари, транспорт блокадалари, юқори савдо тўсиқларига гувоҳ бўлганмиз.
Сув ресурсларидан фойдаланиш, яйловлар ва сув хўжалиги объектларига кириш бўйича чексиз тортишувлар очиқ қарама-қаршиликка айланиши мумкин эди.
Бундан ташқари, глобал ишонч инқирозининг чуқурлашиши ва қуролли тўқнашувларнинг кучайиши минтақа барқарорлиги ва ривожланишига салбий таъсир кўрсатишни бошлаган эди. Шу муносабат билан Марказий Осиёнинг бошқа мамлакатлари ва халқлари сингари, Ўзбекистон фаровонлиги, ҳамкорликни мустаҳкамлаш борасидаги умумий саъй-ҳаракатларга, минтақанинг хавфсизлиги ва барқарор ривожланиш манфаатларини биргаликда илгари суришга тайёрлигига боғлиқ деган тушунча мустаҳкамланган.
Шуни тан олиш керакки, Ўзбекистоннинг янги президенти Шавкат Мирзиёев туб ўзгаришларни амалга ошириш, тўпланган муаммоларни ҳал қилиш, қўшнилар билан муносабатларни ўрнатишга бўлган эскирган ёндашувларнинг тубдан яхшилаш бўйича жамоатчилик талабини кескин ҳис қилган раҳбар бўлди. Марказий Осиё минтақаси президент томонидан Ўзбекистон ташқи сиёсий фаолиятининг асосий устувор йўналиши этиб белгиланди. "Қўшнилар билан муаммоларни бартараф этиш" мақсади биринчи ўринга чиқди.
Сиёсатчи Марказий Осиё келажаги учун Ўзбекистонга алоҳида масъулият юкланганини таъкидлаган. Ва бу биз минтақанинг барча мамлакатлари билан умумий чегараларга эга бўлганимиз билан боғлиқ. Бу ерда Марказий Осиё аҳолисининг ярмидан кўпи, минтақадаги барча халқларнинг йирик жамоалари яшайди. Ўзбекистоннинг ривожланишидаги сувдан тортиб транспорт йўлакларигача, минтақавий хавфсизлик ва савдо-сотиқгача бўлган деярли барча муҳим масалалар қўшни давлатлар билан яхши қўшничилик ва башорат қилинадиган муносабатларга боғлиқдир.
А. Комиловнинг фикрича, кенг ҳудудимизда муносабатларни тўлиқ қайта ишга тушириш ҳамма учун фойдали бўлган. Бирлашишнинг юқори даражаси туфайли минтақа иқтисодиётида сезиларли ютуқларга эришилган. Ҳамкорлик ва минтақалараро товар айирбошлаш даражаси сезиларли даражада ошган, хорижий шериклар билан алоқалар кенгайган. Ҳудудлараро савдо 4,4 баробар, қўшма корхоналар сони 5 баробар, ўзаро инвестициялар ҳажми деярли 2 баробар ошган.
А. Комиловнинг ёзишича, Остона шаҳрида бошланган "Марказий Осиё бешлиги" етакчиларининг учрашувлар туркуми Ўзбекистонга 2025-йилда Марказий Осиё давлат раҳбарлари саммитини қабул қилувчи мамлакат сифатида кенг қамровли минтақавий кооперацияни изчил ривожлантириш учун алоҳида масъулият юклайди.
Мақола муаллифи маданият, фан, таълим ва туризм соҳасидаги ҳамкорликни кенгайтириш борасидаги саъй-ҳаракатларимизни давом эттириш муҳимлигини таъкидлаган. Марказий Осиё мамлакатларининг тобора ортиб бораётган бирдамлиги минтақани дунёдаги энг жозибали сайёҳлик йўналишларидан бирига айлантириш учун мисли кўрилмаган имкониятларни тақдим этади.
Эслатиб ўтамизки, Ўзбекистон ва Қозоғистон Остона музокаралари якунлари бўйича 15 та ҳужжатни имзолашган.
