АҚШнинг Тошкентдаги элчихонаси техника ва мебелларни онлайн ким ошди савдосига қўйган. Сотувлар 5 октябргача давом этади.  

Ишлатилган товарларни сотиб олишни истаган ҳар-бир киши уларни элчихонанинг онлайн ким ошди сайтидан танлаши мумкин. Унда жами 19 та лот мавжуд.

Улар орасида кондиционер, велосипед, стуллар ва турли хил гаджетларни, хусусан, носоз сенсорли тачпад ва муаммоли батареяга эга MacBook Proни топиш мумкин. Бошланғич нархлар 60 минг сўмдан бошланади.

Сотиб олишдан олдин элчихона қоидалар ва шартларни диққат билан ўқиб чиқишни тавсия этган.

Эслатиб ўтамиз, сентябрь ойида АҚШ элчихонаси ўз автомобилларининг офлайн аукционини ташкил қилди, уларнинг бошланғич нархи 2 минг доллардан бошланганди.