Республикачи Доналд Трампнинг инаугурацияси 2025 йил 20 январга белгиланган. Бу ҳақда USA Today хабар бермоқда.

Нашрнинг ёзишича, у Вашингтондаги АҚШ Капитолийи биносида бўлиб ўтади. Тадбирда янги президентнинг қасамёд қабул қилиш маросими ва нутқи ўрин олган. Маросимдан олдин ва кейин бошқа тадбирлар, жумладан, гала-парад ва бал бўлиши режалаштирилган. 

Унга қадар президент ваколати амалдаги раҳбар Жо Байденда бўлади. 

Эслатиб ўтамиз,  сўнгги натижаларга кўра,  Трамп 286 та сайлов овозини қўлга киритди. Президент бўлиш учун эса 270 овоз кифоя қилади.