Тошкент вилоятининг Оққўрғон туманида сувда кўплаб эшак мурдалари топилди. Ижтимоий тармоқларда ушбу ҳодиса акс этган видео тарқалган бўлиб, гувоҳлар 13 та мурдани санашган.
Ўзбекистон Ички ишлар вазирлигининг матбуот хизмати маълумот беришича, ҳодиса юзасидан терговга қадар текширув бошланган. Текширувда уч киши гумонланмоқда.
Шунингдек, Ички ишлар вазирлиги матбуот котиби Шоҳрух Ғиёсовнинг маълумотларига кўра, умумий овқатланиш муассасаларида ҳам ушбу ҳайвонларнинг гўшти бор-йўқлиги текширилмоқда.
