South China Morning Post нашрининг хабар беришича, Хитойда яшовчи 25 ёшли аёл мушугининг тасодифан қилган ҳаракати сабаб ишдан бўшашга мажбур бўлган.
Маълумотларга кўра, аёл ишдан бўшаш ҳақидаги аризасини қоралама сифатида ноутбукида ёзиб, ҳужжатни сақлаб қўйган. Бироқ аёл хонадан чиқиб кетган пайтда унинг мушуги тасодифан ноутбук устига сакраб, "Жўнатиш" тугмасини босган. Натижада ариза унинг иш берувчиларига юборилган.
Вазиятни тушунтириш учун аёл раҳбариятига мурожаат қилган бўлса-да, улар унинг изоҳларини қабул қилмаган. Натижада аёл ишдан бўшатилган ва ҳатто йиллик мукофотидан ҳам маҳрум қолган.
Ҳодиса ижтимоий тармоқларда катта муҳокамаларга сабаб бўлди. Кўплаб фойдаланувчилар мушукнинг бу ҳаракатини ҳазил-мутойиба билан қарши олган бўлса, бошқалар иш берувчиларнинг кескин қарорини танқид қилди. Ушбу воқеа ортидан инсон ва ҳайвон муносабатлари яна бир бор диққат марказида қолди.
